કેંદ્રીય મંત્રીઓ પર વોટ વાપસી લાગુ કરવાનો પ્રસ્તાવ

આ કાયદાનો સાર : આ કાયદો પ્રધાન મંત્રી અને કેંદ્રીય મંત્રીઓને વોટ વાપસી પાસબુકના દાયરામાં લાવવા માટે લખવામાં આવ્યો છે. આ કાયદાને લોકસભાથી પાસ કરવાની જરૂર નથી. પ્રધાનમંત્રી આને સીધા રાજપત્રમાં છાપી શકે છે. #RRP08

જો તમે આ કાયદાનું સમર્થન કરો છો તો પ્રધાનમંત્રીને પોસ્ટકાર્ડ મોકલો. પોસ્ટકાર્ડ પર આ લખો:

"પ્રધાનમંત્રી, કૃપા કરીને કેંદ્રીય મંત્રીઓને વોટ વાપસી પાસબુકના દાયરામાં લાવવા માટે આદેશ જારી કરો - #VvpCentralMinister

====કાયદાના મુસદ્દાની શરૂઆત====

ટિપ્પણીઓ આ કાયદાનો ભાગ નથી. નાગરિકો અને અધિકારીઓ માર્ગદર્શિકા માટે ટિપ્પણીઓનો ઉપયોગ કરી શકે છે.

(01) આ કાયદો ગૃહ મંત્રી, સુરક્ષા મંત્રી,વિદેશ મંત્રી, નાણા મંત્રી અને પરમાણુ ઉર્જા મંત્રીને લાગુ પડશે નહી.

(02) આ અધિનિયમમાં મંત્રી શબ્દનો અર્થ છે કલમ (1) માં ઉલ્લેખિત ૫ મંત્રાલયો સિવાયના કેંદ્ર સરકાર હેઠળ આવનારા તમામ મંત્રાલયોના કેન્દ્રીય મંત્રી.

(03) દરેક મતદારને આ અધિનિયમ ગેઝેટમાં પ્રસિદ્ધ થયાની તારીખથી 30 દિવસની અંદર વોટ વાપસી પાસબુક મળશે. કલમ (1) માં ઉલ્લેખિત ૫ મંત્રીઓ સિવાય, કેંદ્ર સરકાર હેઠળના કેંદ્રના તમામ મંત્રીઓ, આ વોટ વાપસી પાસબુકના દાયરામાં આવશે. પછી જો તમે કોઈપણ કેંદ્રીય મંત્રીના કામથી સંતુષ્ટ ન હોવ, અને તેને હટાવીને અન્ય કોઈ વ્યક્તિને લાવવા માંગતા હો, તો તમે પટવારી કચેરીમાં સ્વીકૃતિ તરીકે તમારી હા નોંધાવી શકો છો. તમે SMS, ATM અથવા મોબાઈલ એપ દ્વારા પણ તમારી હા નોંધાવી શકો છો. તમે કોઈપણ દિવસે તમારી સ્વીકૃતિ આપી શકો છો અથવા તેને રદ કરી શકો છો. સ્વીકૃતિની નોંધણી વોટ વાપસી પાસબુકમાં આવશે. આ સ્વીકૃતિ તમારો મત નથી. પરંતુ તે એક સૂચન છે.

(04) મંત્રી બનવા ઇચ્છુક વ્યક્તિઓ દ્વારા અરજી:

30 વર્ષથી વધુ ઉંમરનો કોઈપણ ભારતીય નાગરિક જો કેન્દ્રીય મંત્રી બનવા ઇરછતો હોય તો, તે પોતે કલેક્ટર સમક્ષ અથવા વકીલ મારફત સોગંધનામું રજૂ કરી શકે છે. જિલ્લા કલેક્ટર સાંસદની ચૂંટણીમાં જમા કરાવવાની રકમ જેટલી ફી લઈને લાયક હોદ્દા માટે તેમની અરજી સ્વીકારશે, અને સોગંધનામું સ્કેન કરીને પ્રધાન મંત્રીની વેબસાઇટ પર મૂકશે.

(05) મતદારો દ્વારા સ્વીકૃતિની નોંધણી કરવી :

(5.1) કોઈપણ નાગરિક કોઈપણ દિવસે પોતાની વોટ વાપસી પાસબુક અથવા મતદાર ચૂંટણી કાર્ડ સાથે પટવારી ઓફિસમાં જઈને કોઈપણ ઉમેદવારના સમર્થનમાં હા નોંધણી કરી શકે છે. પટવારી પોતાના કોમ્પ્યુટર અને વોટ વાપસી પાસબુકમાં મતદારની હા દાખલ કરીને રસીદ આપશે. પટવારી મતદારોની હા ને ઉમેદવારોના નામ અને મતદારોના મતદાર ચૂંટણી કાર્ડ નંબર સાથે જિલ્લાની વેબસાઈટ પર પણ જાહેર કરશે. મતદાર કોઈપણ પદ માટે ઉમેદવારોમાંથી તેની પસંદગીની 5 વ્યક્તિઓને સ્વીકૃતિ આપી શકે છે.

(5.2) સ્વીકૃતિ (હા) નોંધાવવા માટે મતદાર રૂ.3 ફી ચૂકવશે. BPL કાર્ડ ધારક માટે ફી રૂ. ૧ હશે.

(5.3) જો કોઈ મતદાર તેની સહમતી રદ કરાવવા આવે તો પટવારી એક અથવા વધુ નામો કોઈપણ ફી લીધા વગર રદ કરશે.

(5.4) દર સોમવારે મહિનાની 5 મી તારીખે, કલેક્ટર અગાઉના મહિનાના છેલ્લા દિવસ સુધી દરેક ઉમેદવારોને મળેલી સ્વીકૃતિઓની ગણતરી પ્રકાશિત કરશે. પટવારી તેમના વિસ્તારની સ્વીકૃતિનું પ્રદર્શન દર સોમવારે કરશે.

[નોંધ: કલેક્ટર એવી સિસ્ટમ બનાવી શકે છે કે મતદારો SMS, ATM અને મોબાઇલ એપ દ્વારા તેમની સ્વીકૃતિની નોંધણી કરી શકે.

રેન્જ વોટીંગ - વડાપ્રધાન અથવા મુખ્યમંત્રી એવી સિસ્ટમ બનાવી શકે છે કે મતદાર કોઈપણ ઉમેદવારને -100 થી 100 વચ્ચેના માર્ક્સ આપી શકે. જો મતદાર માત્ર હા દાખલ કરે છે તો તેને 100 ગુણ સમાન ગણવામાં આવશે. જો મતદાર તેની સ્વીકૃતિની નોંધણી નહીં કરાવે, તો તેને શૂન્ય ગુણ ગણવામાં આવશે. પરંતુ જો મતદાર માર્ક્સ આપશે તો તેના દ્વારા આપવામાં આવેલ માર્ક્સ જ માન્ય ગણાશે. શ્રેણી મતદાનની આ પ્રક્રિયા સ્વીકૃતિ પ્રણાલી કરતાં ચડિયાતી છે, અને તીરની નકામી અશક્યતા પ્રમેયથી ( Arrow’s Useless Impossibility Theorem ) પ્રતિરક્ષા પૂરી પાડે છે.]

(06) કેન્દ્રીય મંત્રીઓની નિમણૂક અને હટાવવા : જો કોઈ પણ મંત્રાલયના મંત્રી પદ માટેના ઉમેદવારને ૩૦ કરોડ થી વધારે સ્વીકૃતિઓ મળી છે , ને જો આ સ્વીકૃતિઓ અમુક મંત્રાલયના પદ પર બેઠેલા મંત્રી કરતા ૧ કરોડ વધુ પણ હોય, તો પ્રધાન મંત્રી હયાત મંત્રીને હટાવીને સૌથી વધુ સ્વીકૃતિ મેળવનાર વ્યક્તિની અમુક મંત્રાલયમાં મંત્રી તરીકે નિમણૂક કરી શકે છે અથવા ન પણ કરી શકે છે. મંત્રીની નિયુક્તિ માટેનો અંતિમ નિર્ણય પ્રધાનમંત્રીનો જ રહેશે.

(07) જનતાનો અવાજ :

(7.1) જો કોઈ મતદાર આ કાયદામાં કોઈ ફેરફાર ઇરછતો હોય તો તે કલેક્ટર કચેરીમાં સોગંદનામું જમા કરાવી શકે છે. જિલ્લા કલેક્ટર પ્રતિ પૃષ્ઠ 20 રૂપિયાની ફી વસૂલ કરીને મતદારના ચૂંટણી કાર્ડ નંબર સાથે પ્રધાનમંત્રીની વેબસાઈટ પર સોગંધનામું સ્કેન કરીને રાખશે.

(7.2) જો કોઈ મતદાર કલમ ​​(7.1) હેઠળ રજૂ કરેલ કોઈપણ સોગંદનામા પર પોતાનું સમર્થન નોંધાવા માંગતો હોય, તો તે પટવારી ઓફિસમાં રૂ. ૩ ની ફી ભરીને તેની હા/ના નોંધાવી શકે છે. પટવારી એની નોંધ કરશે અને હા/ના ને મતદારના ચૂંટણી કાર્ડ નંબર સાથે પ્રધાન મંત્રીની વેબસાઇટ પર મૂકી દેશે.

======ડ્રાફ્ટની પૂર્ણતા======